一回家便聽到國際足協會奪回施丹的"最佳球員獎"，真的十分生氣和沮喪!!!

點解白禮達唔明白，只看施丹動頭的一面。難道Materazzi出口傷人就得? 仲賤格到講人屋企、用詞咁下流，簡直影衰晒其他啲意大利人!!!! 好似我知道他年少喪母，我就對他說"有爺生冇乸教" (噢~ 這樣說，我自己都覺得難為情!!)，看他會不會打我啦! 仲要死撐話施丹"啤"佢，喂呀~ 大家男人老狗攬著晒，唔勁"啤"你唔通"咀兩啖"咩!!! short short 哋~~~

如果呢班國際足協真喺咁做，咁佢哋又點處理Materazzi先?? 從網上看到Materazzi一副態度囂張的咀臉，一面口中唸唸有詞，見到都想"丙"佢!!!

最重要金球獎係在世界杯期間由媒體記者評出，關你國際足協會咩事呀? 俾咗人又攞番，起碼都要處分埋Materazzi。等嗰班"新星"~C朗呀、朗尼呀..都要注意一吓自己的言行，咪以為自己好有型!!!!

對施丹嚟講，攞唔攞金球獎相信已經唔重要，最重要他可以話俾Materazzi聽: 打你呢種賤口人比攞獎仲緊要。

施丹=浪漫球王!!!!!